عدد الرسائل : 193 العمر : 29 الموقع : منتديات القمر الفضي العمل/الترفيه : طالبه المزاج : عال العال تاريخ التسجيل : 12/07/2008
موضوع: إزاي تختاري لبسك؟؟؟ الإثنين يوليو 28, 2008 11:40 am
السلام عليكم يا بنوتات
يلا اهو أعمل فيكوا جميل وأعلمكوا ازاى تلبسوا يا بنانيت المنتدى علشان يمكن تعجبوا ههههههههههههههههههههههههههه المهم جبتلكم موضوع جديد جدا بمناسبة دخول فصل الصيف لكن اتمني القرائه باهتمام وردكم العطر علي الموضوع ولو فيه واحده دخلت ومسجلتش ردها بجد هزعل لان الموضوع بجد يستاهل اخليكم بقي مع الموضوع
كلكم متفقين معايا إن ملابس الصيف لها طبيعة خاصة جدّاً بتميزها سواء من حيث خامة القماش أو لونه أو من حيث تصميم الموديل نفسه وزي ما أنت عارفة برضه إن كل بنت ليها جسم يختلف عن التانية...
يعني مثلاً فيه بنت رفيعة، وفي بنت ممتلئة، وفي بنت قصيرة، وفي بنت طويلة، وكل واحدة من دول لها قماش معين يناسبها، ولها لون معين يناسبها، ولها كمان تصميم معين يناسبها.. موافقني في الكلام ده ولا لأ؟؟..
بما إننا متفقين من حيث المبدأ يبقى تعالوا نعرف مع بعض واحدة واحدة إيه اللبس اللي ممكن نلبسه في الصيف، ويكون مناسب لنا، وفي نفس الوقت يكون شيك...
نشوف مع بعض بالنسبة للبلوزات
تعتبر البلوزة من القطع الأساسية اللي مفيش بنت تقدر تستغنى عنها في الصيف، وده لأنها عملية جدّاً في اللبس، ومناسبة جدّاً لكل الأعمار ولكل الأوقات يعني من الآخر كده تقدر تلبسها البنت اللي في ثانوي والبنت اللي في الجامعة واللي بتشتغل، وكمان تقدري تلبسيها في أي وقت الصبح وبعد الظهر...
بس وأنت بتشتري البلوزة لازم تاخدي بالك وتختاري موديل يناسب طبيعة جسمك؛ يعني مثلاً: لو كنت ممتلئة الأرداف:يبقى يا ريت تبعدي نهائيا عن البلوزات القصيرة والطويلة قوي، اللي على شكل (تونيك)، واختاري البلوزة اللي يكون نهاية طولها عند منتصف الأرداف.. وده لأن البلوزة القصيرة بتبرز جدّاً امتلاء المنطقة دي، والبلوزة الطويلة قوي هتظهر المنطقة دي وكأنها عريضة أكتر من اللازم.
لو كنتِ ممتلئة الذراع:يبقى يا ريت تختاري البلوزة اللي يكون كُمّها واسع وطويل والكتف ساقط عشان يخفي العيب ده، وعلى فكرة كمان الكم "الشارلستون" مناسب جدّاً وبيداري امتلاء الذراع.
لو كنتِ صاحبة صدر كبير:ودي مشكلة بتشتكي منها بنات كتير قوي، وحلها إنك تراعي إن لون البلوزة يكون غامق، وتفتحي لون البنطلون من تحت..
وتبعدي نهائيا عن البلوزات اللي فيها قصات من تحت الصدر أو فيها تطريز على الصدر أو تحت الصدر علشان ما تلفتش النظر إلى امتلاء المنطقة دي.
ويا ريت كمان تبعدي في اختيارك عن البلوزات المصنوعة من القماشات الخفيفة...
لو كنتِ قصيرة:بصي يا ستي لو كنتِ قصيرة يبقى يا ريت تختاري البلوزات اللي مقلّمة بالطول، وتبعدي عن البلوزات المقلمة بالعرض..
كمان ابعدي عن البلوزات أو القمصان المنقوشة بنقوشات كبيرة أو مشغولة بكثرة من التطريز؛ لأنها ستظهرك أكبر مما أنت عليه في الواقع خاصة النصف العلوي من جسمك.
لو كنتِ رفيعة:هتلاقي إن كل أشكال البلوزات مناسبة لكِ جدّاً.
بالنسبة للألوان اللي نازلة الصيف ده
صيف 2008 بتميز بوجود بلوزات بألوان كتير قوي زي "الروز" و"اللبني" و"الأصفر" و"الأخضر" و"البستاج" و"التركواز" و"البرتقالي" بالإضافة إلى الألوان الثابتة زي "الأحمر" و"الأبيض" و"البيج" بدرجاته المختلفة.. ده بالإضافة إلى وجود بلوزات فيها ألوان متداخلة مع بعضها..
وعلى فكرة مبقاش فيه حاجة اسمها إن اللون ده مش موضة لأن كل الألوان بقت موضة وبكده بقى عندك فرصة كبيرة جدّاً للاختيار..
دي كمان قطعة ممكن تلبسيها في الصيف والفستان فيه منه أشكال كتير قوي، ففيه مثلا الفستان القصير اللي ظهر بشكل كبير في السنتين اللي فاتوا، ولسه موجود برضه موضة الصيف 2008.
ومع الفستان ده هتحتاجي تلبسي بادي وبنطلون سواء جينز أو قماش..
وعلى فكرة الشكل ده مناسب أكتر للبنات الصغيرين من سن 16 سنة إلى سن 23 سنة..
وبرضه لازم تاخدي بالك إن الشكل ده علشان يكون شيك في اللبس محتاج إن اللي تلبسه تكون بنت جسمها مش مليان خاصة من منطقة الصدر والإيد والأرداف..
كمان في الفساتين الطويلة ودي موجودة من زمان، ولسه برضه موضة، وفيه منها القماش والجينز ودي هتحتاج إنك تلبسي معاها بادي بس لازم تاخدي بالك من إنك لو كان ذراعك مليان يبقى يا ريت إنك تلبسي مع الفستان ده بلوزة سادة وبلاش بادي.
موضوع: إزاي تختاري لبسك؟؟؟ 
الإثنين يوليو 28, 2008 11:40 am
