ليه البنات لعبة ........؟

سمعة البنت زى عود الكبريت وكرامة البنت مش ملكها بس
خصوصا فى مجتمعنا الشرقى وللبنت حقوقها وكرامتها وانسانيتها ومش هنقول
ليها حريتها عشان فى ناس هتفهمنى غلط فى النقطة دى والبنت دلوقتى عارفة ليها ايه وعليها ايه بس رغم كل ده الا
انها ساعات بتمشى ورا كلام شاب كل همه هدف قذر رغم انى الشاب ده ناسى انه ليه اخوات وعمات وخالات وام،
ممكن حد يفعل بالمثل زى مهو بيعمله فى بنات الناس .

كنت عايز اسأل الشباب سؤال ؟

ماذا لو اختك كانت فى نفس موقف البنت اللى انتا بتعاكسها او اللى بتتحرش بيها او بتضايقها لو شفت اختك بيحصل
كده هتعمل ايه ؟؟.
ولما بتقول لاختك اوعى تتدخلى شات واياكى اشوفك بتكلمى وتمنعها من تكوين صداقة مع شاب ليه انتا بتعمل كل ده
بتتدخل شات وتتعرف على بنات وبتعمل صحوبية مع بنات وتخرج معاهم والله اعلم بالباقى طبعا !!
وهل اختك اللى بتمنعها من كل ده هيا الانسانة الوحيدة وباقى البنات لعبة مثلا طبعا مش هننكر دور البنت فى الحوار ده
كله اكيد لو البنت متساهلة هيبقى الطريق سهل اوى فى الوصول اليها بس فين الكنترول اللى ممكن نعمله على نفسنا فى
لحظة زى دى بدل الجرى ورا المشى مع البنات وتضيع الوقت والمال واحيانا بيبقى فى تتضيع للصحة والدين كمان.

نيجى بقى للبنت
هل ممكن ان تقبلى تكونى لبانة فى فم كل شاب اتعرفتى عليه او شاب واحد حتى يفضل يتباهى بصورك وسط اصحابه او يتباهى بمسجات انتى بعتيها ليه او حتى مكالمة وهو مشغل سبيكر مهو فى الاخر هيبقى دنجوان امام اصحابه وانتى هتبقى فى عينهم رخيصة اوى رغم انى البنت فى ايديها تكونى ملكة وفى ايديها تكون جارية وده بيتوقف على شخصيتها وتربيتها ومعرفتها بدينها والتزامها بيه
نيجى لأخر جزء فى موضوعنا
ايه اللى بيخلى البنت تخوض تجربة زى دى هل هى لهفة شوق او حب ؟ وهل الشاب اللى بتحبه وهو مش بيحبها ده مفيش غيره فقط على الارض مفيش حد احسن منه اخلاقا والتزاما وشخصية ورجولة ، وليه البنت بتحب تكدب على نفسها كتير وتخون واقعها اللى عايشة فيه يبقى الشاب ماشى مع بنت تانية وهيا عمالة تفكر فيه وتفضل عايشة فى احلام وردية وتصحى على كابوس انه خلاص اختفى من حياتها مرة واحدة خصوصا العلاقات اللى بتبتدى بسرعة بتنتهى بسرعة جدا .
نصيحة لكل بنت

لا تجعلى نفسك لعبة فى ايد اى شاب حتى تحت شعار الحب ولو الشاب بيحبك بجد يتقدم لاهلك ويطلبك رسمى واى حاجة غير كده يبقى بتخونى نفسك وتخونى اهلك وناسك
منقوووووول